منشور اليوم نخصصوه للرسالة التحفيزية. ونحاولو نجاوبو على أسئلة بحال :

لاش تاتصلاح هاد الرسالة

شنو خاصنا نراعيو وحنا تانكتبوها

الأجزاء اللي تاتقسم لها الرسالة

إلخ....

فايتلينا شرحنا فمنشور سابق الفرق بين الرسالة التحفيزية ديال التقديم لعمل أو تكوين وبين ديال التقديم للڤيزا (شوف كذلك الرابط اللي فأول تعليق )ال Motivationsschreiben اللي غانفصلو فيها اليوم هي ديال التقديم لوظيفة أو تكوين مهني ف  

..... الحاجة اللي خاص تكون واضحة فدماغك ونتا تاتكتب الرسالة هي أنك خاصك تبين فيها للمشغل ديالك المستقبلي علاش ختاريتي هاد المهنة بالضبط، علاش ختاريتيه هو بالضبط وعلاش غايختارك نتا بالضبط وماشي مترشح آخر!داكشي علاش خاصك تكونصونطرا فيها على الشخص ديالك، شنو تاتعرف تدير، شناهوما نقاط قوتك وشناهوما خططك المستقبلية. كما خاصك تبين أنك تاتعرف بزاف على المشغل، ماشي غاصيفطتيليه هاكاك

الرسالة خاصك تقسمها لمقدمة، عرض وخاتمة

المقدمة : هضر فيها على راسك على المشغل، علاش دفعتي ليه هو بالضبط... بين الحماس ديالك للخدمة/للتكوين.

العرض : تايكون أطول وتاتهضر فيه على نقاط القوة ديالك على التخصص ديالك فصل فالحماس ديالك للضومين ديال الخدمة تجاربك العملية إيلى عندك أهداف الكاريير ديالك....

الخاتمة : أشكر الجهة اللي كتبتي ليها حيت قراو رسالتك (ولكن حاول ماتزيدش فيه! ماتترجاهومش مثلا) قوليهوم غاتكون فرحان إيلى عيطو ليك ل Vorstellungsgespräch....

حاجة مهمة نختم بيها المنشور وهي نوصيك تحضي مايكونش تناقض بين ال Motivationsschreiben و CV. خاصهوم يكونو تايكملو بعضياتهوم : الرسالة التحفيزية تاتفصل المحتوى ديال السيرة الذاتية

... والله الموفق والمستعان