شناهي قصة الرفض اللي مابقاش المغربي يقدر يطعن فيه عند القنصلية؟؟... هنا بعجالة شرح للموضوع اللي غايكون فيه خير إن شاء الله ماكاين لاش نشوفوه من زاوية سلبية 
أول نقطة أن الطعن (الإستئناف) غايبقى من حق أي واحد يديرو بشرط مايفوتش 4 أسابيع. غي هو من حقو يديرو غي فالمحكمة ماشي عند القنصلية اللي ابتداءً من يونيو مابقاتش تاتعاود دراسة الملف في حالة رفض طلب التأشيرة
في حالة الطعن القنصلية غاتولي مجبرة تعطي توضيحات أكثر. تانظن هادشي غاينقص من حالات الرفض وڤيزات أكثر غايبداو يتطبعو 
نقطة إيجابية أخرى ممكن تكون أن مواعيد أكثر يبداو يتطلقو أو على الأقل المدة علاش تايخرجو غاتبقى كيفماهي ماغاطوالش 
نقطة أخرى مهمة هي أن هادشي غايتجرب مبدئيا مدة 6 شهور موراها عاد يقررو واش يكملو فيه أو لا! 
آه ويلى أنا ديجا دافع طعن للقنصلية وتايدرسوه حاليا واش تانا معني بهادشي؟؟ لا غي اللي جاه الرفض ابتداءً من 1 يونيو هو اللي معني بالأمر! الخلاصة : فحالة الرفض مابقاش من حق الإنسان يطعن فالقرار عند القنصلية تايبقاو غي جوج إختيارات :
إما يشوف محامي ويطعن فالقرار قدام المحكمة في برلين (بالمناسبة EDUBAO فيها ناس تايرافقو فهاد الحالة)
أو تعاود تدفع من جديدمصدر وزارة الخارجية الألمانية 
: